En portadaGalerías de fotosÚltima hora

Larouco vístese de festa para honrar á súa patroa, a Virxe dos Remedios

A procesión, amenizada polo grupo de gaitas e pandereteiras de Abertal, celebrábase no mediodía do 8 de setembro

Hoxe, domingo 8 de setembro, é o día grande das festas en moitas vilas ourensás. Un exemplo témolo en Larouco que despois de dous días de actividades para todos os públicos, vivía o día grande das festas patronais na honra á Virxe dos Remedios.

A procesión coa imaxe da Virxe saía da igrexa parroquial ás 13h. percorrendo boa parte da vila acompañada por un grupo de veciñas cos traxes rexionais (encargadas de levar a imaxe), o grupo de gaitas e pandereteiras de Abertal, e numerosos devotos. De volta na igrexa, a imaxe era recibida cunha chuvia de pétalos de flores lanzados dende o campanario, antes de comezar a eucaristía.

 

A imaxe da Virxe dos Remedios é levada a ombros polas mulleres.

 

A festa continúa pola tarde coa actuación da orquestra Fin de Siglo, que porá o broche á fin de semana con dous pases, un pola tarde-noite a partir das 21h. e outro en sesión verbena a partir da unha da madrugada.

Fotos: Mónica G. Bellver.

Artigos relacionados

Back to top button

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies
Close