Aproxímase o tempo de Entroido e en Laza comeza a efervescencia desta ancestral celebración. A primeira chamada á festa será o “1º Folión do Entroido do pobo”, unha xuntanza multitudinaria que sairá o venres 15 de xaneiro ás once da noite dende o fondo da Cerdeiriña.
Será promovida por un grupo de veciños que vive o Entroido nesta localidade e que amosa o seu apoio á organización da festa que se vén realizando dende o Concello. “Laza está viva e unida de cara a estas datas de Entroido que se esperan con especial ilusión e ganas”, din.
