PolíticaÚltima hora

Leiceaga visita a D.O. Monterrei para coñecer a situación do viñedo

Na visita a Verín reclamaba que a Xunta que utilice as axudas previstas logo das xeadas que asolaron esta zona

 

Imaxe da visita realizada á sede do CRDO Monterrei.

 

A sede do Consello Regulador da Denominación de Orixe Monterrei recibía na mañá do 12 de maio a visita do portavoz do PSdeG-PSOE no Parlamento galego, Xoaquín Fernández Leiceaga, e do deputado ourensán, Raúl Fernández Fernández, que estaban asemade acompañados polo alcalde de Verín, Gerardo Seoane, e por responsables socialistas do municipio e da comarca. Eran recibidos polo presidente da denominación, José Antonio Da Silva Pereira.

Durante esta visita analizaban as consecuencias das últimas xeadas nos viñedos da D.O. Monterrei e o seu presidente explicáballes a situación que agora mesmo presentan os mesmos, así como as actuacións que se están desenvolvendo por parte de viticultores e adegueiros.

Leiceaga reclamaba que a Xunta que utilice as axudas previstas logo das xeadas que asolaron á Denominación de Orixe Monterrei para deseñar un plan de futuro conxuntamente co Consello Regulador e os representantes de agricultores e adegas.

Ademais destacaba que, ademais das axudas directas para os damnificados por estes danos que lles afectarán nos próximos dous anos, o goberno galego debe aproveitar a difícil situación para “pensar no futuro sen comprometer o traballo de 25 anos para o recoñecemento da calidade do produto no mercado”.

 

Os deputados socialistas, co alcalde de Verín, no exterior do Concello.

Anteriormente, os deputados autonómicos socialistas reuníanse co alcalde de Verín no Concello e tamén mantiñan unha reunión co secretario comarcal de Unións Agrarias, José Ramón González, na sede comarcal deste sindicato na vila verinesa.

 

 

 

Artigos relacionados

Back to top button

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies
Close