Mantense a tendencia crecente nos casos activos de Covid-19. Segundo os datos comunicados neste 26 de decembro pola Consellería de Sanidade (actualizados ás 18h. do 25 de decembro), a Área Sanitaria de Ourense, Verín e O Barco ten 558 pacientes con infección activa, 7 máis que onte. Dese total, 20 están hospitalizados en planta (2 máis que onte) e 3 na Unidade de Coidados Intensivos (1 menos que onte). Ademais soben lixeiramente os novos casos confirmados por PCR nas últimas 24 horas cun total de 39 (fronte aos 38 de onte).
No que se refire aos ingresos, o Hospital Público de Valdeorras continúa con 1 hospitalizado en planta, mentres o Hospital de Verín ten 2 en planta (a mesma cifra de onte), e o Hospital Universitario de Ourense rexistra 15 en planta (2 máis que onte) e 3 na Unidade de Coidados Intensivos (1 menos que onte).
O total de casos rexistrados ata o de agora na provincia ascende a 8.371, con 7.504 curados e 308 falecidos (onte Sanidade non notificaba ningún falecemento). Polo de agora lévanse realizado 133.368 probas PCR e 67.117 probas serolóxicas.
