Os pequeniños do KC River Stone, do Barco de Valdeorras, seguen dando alegrías ao deporte valdeorrés, pero sobre todo ao seu adestrador, Nicolás Rodríguez, cunha excelente participación na Liga Nacional de Karate que se está celebrando en Santiago de Compostela.
No mediodía de onte o benxamín Manuel Blanco Blanco lograba chegar á final e alzarse cun meritorio terceiro posto coa correspondente medalla de bronce; e na mañá deste domingo 23 de xaneiro, era outra benxamina, Leyre Paradelo Ambrinos, quen subía de novo ao podio a recoller a súa propia medalla de bronce.
Fotos RFEK e cedidas.
