Publicidade
ConcellosÚltima hora

Licítanse as obras de mellora de 2 estradas autonómicas que dan acceso ás canteiras en Carballeda de Valdeorras

Trátase da OU-122 e da OU-123 e nelas a Xunta investirá máis de 1 millón de euros. As empresas interesadas poderán presentar ofertas ata o 20 de maio

Imaxe do firme dunha das estradas nas que vai intervir./ Foto: Carlos G. Hervella.

 

Na Plataforma de contratos públicos de Galicia vén de publicarse a licitación das obras de mellora do firme nas estradas autonómicas OU-122 e OU-123, ao seu paso polo concello de Carballeda de Valdeorras, cun investimento de máis de 1 millón de euros.

As empresas interesadas nesta obra, que terá un prazo de execución de 6 meses, poderán presentar as súas ofertas ata o vindeiro día 20 de maio. O obxectivo da Consellería de Infraestruturas e Mobilidade é acometer os traballos neste mesmo ano 2020.

Esta actuación comprenderá intervencións na estrada OU-122, desde o punto quilométrico 16+400 ata o final da mesma na fronteira coa provincia de León, no 26+260, e na estrada OU-123 ao completo, desde a mesma OU-122 a Casaio, segundo se informa dende a Xunta.

Os traballos obxecto de este contrato prevén actuar en todo o ancho da plataforma das dúas estradas e consisten na mellora do estado dos firmes, con saneos profundos alí onde sexa necesario, limpeza de gabias e reperfilado de noiros. As obras incluirán o repintado da sinalización horizontal e reposición da sinalización vertical e balizamento.

Con esta actuación, o departamento de Infraestruturas da Xunta intervirá nos treitos que soportan o tráfico de vehículos de grande tonelaxe que acceden ás canteiras de lousa de Carballeda de Valdeorras, polo que o firme sofre importantes cargas que obrigan a actuar sobre o mesmo para rehabilitalo. “Trátase, por tanto, dunha intervención que vai máis alá das obras de mellora de firme, sendo unha actuación fundamental para a actividade económica da comarca de Valdeorras”, resaltan dende a consellería.

 

 

Artigos relacionados

Back to top button

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies
Close