Ás 08:30 horas desta mañá, a Garda Civil comunicaba ao 112 Galicia que, os buzos, localizaran o corpo do mozo que se buscaba desde esta madrugada, tras perdelo de vista cando se meteu á auga no encoro, en Castrelo de Miño (Ourense), tal e como informa o 112 Galicia.
Todo sucedeu, ao fío das 2:00 horas, foi a esa hora cando a parella do desaparecido contactou co 112 Galicia para pedir axuda.
Ademais dos medios sanitarios, formaron parte deste operativo e que coordinou a Garda Civil, os bombeiros de Carballiño, os bombeiros do GES de Ribadavia e os efectivos de Protección Civil da localidade.
Un equipo do grupo de Intervención Psicolóxica en Catástrofes e Emerxencias (GIPCE), desprazábase esta mañá ata a zona para prestar axuda á parella e aos compañeiros que se atopaban co mozo, no momento da desaparición, tal e como informaba o 112 Galicia.
