Máis dun cento de veciños de Loiro, no concello ourensán de Barbabdas, asistían o 13 de abril á inauguración dunha exposición na que se recollen preto de trescentas imaxes e obxectos donados polos propios veciños nas que se reflicten estampas da vida diaria e cotián, pero tamén das datas sinaladas para os protagonistas, fundamentalmente nas últimas oito décadas.
A mostra, organizada e xestionada por Manuel Fernández, veciño inquedo e amante da cultura e as tradicións do pobo, foise xestando ao longo de case un ano coa recollida de fotografías que no pasado verán foron amosadas aos veciños nun vídeo. A gran acollida, moveu ao Concello de Barbadás a promover unha exposición co material reunido, que está ubicado no Centro Social de Loiro, onde permanecerá toda a próxima semana, período no que se recibirán visitas diarias dos alumnos dos centros escolares do municipip que tamén visitarán o Museo da Gaita de Fole de Barbadás. Ademade está programada a visita de colectivos de adultos, pertencentes a asociacións veciñais e outras agrupacións do concello.
A exposición acolle asemande obxectos de todo tipo como candís ou apeiros de labranza e ata un monumento funerario, que lle da á mostra unha vertente etnográfica e histórica. Neste senso, o tenente de alcalde de Barbadás, Xosé Manuel Fírvida, amosouse “moi satisfeito por un traballo no que os propios veciños son protagonistas e que reflicte a vida da veciñanza ó longo das últimas décadas”.