EconomíaEconomíaÚltima hora

Lolo Andrade, premiado no Expoforum Noroeste Biofim polo seu labor na loita contra a velutina

Este galardón concédeo a Asociación Galega de empresas da loita Contra as Pragas, que preside o valdeorrés José Antonio Quiroga
José Antonio Quiroga, presidente de AGACPRA, xunto ao premiado, Lolo Andrade, e Terio Carrera.

Mel, vinagre e alcohol. Con estes ingredientes o traballador de Protección Civil Lolo Andrade inventaba un xarope que ten resultado sumamente efectivo para eliminar os avispeiros de “velutina”, unha praga que afecta seriamente aos apicultores. A difusión da súa receita en internet conta con case 2 millóns de visitas. Esta iniciativa acaba de ser agora recoñecida pola Asociación Galega de empresas da loita Contra as Pragas (AGACPRA), que vén de concederlle o Premio Expoforum Noroeste Biofim. Esta distinción entregábase o 9 de novembro no marco deste foro que se está a desenvolver en Santiago de Compostela.

Andrade recibía o galardón de mans o presidente, José Antonio Quiroga, e neste acto explicaba que dende que comprobou a eficacia deste xarope decidiu dalo a coñecer a través de internet, “alomenos un millón de persoas comentaron que o utilizaron e que lles foi útil”.

Ademais comentaba que “o alcohol da farmacia non vale para esta fórmula, porque ten engadidos produtos que lle quitan o olor, e o importante do xarope é que resulta atractivo para as avespas porque o alcohol potencia o olor do mel e atráeas cara os botes de cristal nos que introducimos a mestura”.

No decurso destas xornadas se abordaba asemade a problemática da avespiña do castiñeiro, cunha mesa redonda adicada tamén onte a este tema.

Artigos relacionados

Back to top button

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies
Close