EconomíaEconomíaEn portadaGalerías de fotosPizarraÚltima hora

A lousa quere reforzar a súa presenza no mercado nacional

O Clúster da Pizarra de Galicia vén de asinar un acordo de colaboración coa Xunta para desenvolver unha campaña de difusión desta pedra natural no territorio español

É un dos sectores máis internacionalizados da economía galega, xa que exporta o 95% da súa produción, pero a parte de seguir incidindo nos mercados exteriores, a lousa galega quere abrirse camiño no territorio español. Con este dobre fin, o Clúster da Pizarra de Galicia rubricaba un convenio de colaboración coa Xunta de Galicia. O acto de sinatura tiña lugar na mañá do 3 de xuño en Sobradelo (Carballeda de Valdeorras) e nel participaba Rogelio López como representante do Clúster, xunto coa delegada da Xunta en Ourense, Marisol Díaz, e o director xeral de Enerxía e Minas, Ángel Bernardo Tahoces.

Este acordo recolle dúas cuestións principais, segundo resumía tras o acto da sinatura o director xeral de Enerxía e Minas. A primeira á que se refería é a realización dunha campaña de difusión das diferentes accións que se están a desenvolver no sector en publicacións especializadas e medios de comunicación.

Por outra banda, está prevista asemade a publicación dun estudo técnico que pon de manifesto as características da lousa galega fronte ás doutro produto co que están competindo no mercado nacional e internacional: a lousa brasileña. “O estudo editarse en papel, cunha tiraxe de 3.000 exemplares, e tamén en formato dixital. Nel recóllense cales son as cualidades da nosa lousa, que é de compresión tectónica”.

Despois deste acto, o director xeral de Minas, acompañado por representantes do Clúster da Pizarra de Galicia, visitaba a “mina de lousa máis grande do mundo”. Tratábase da mina subterránea “A Fraguiña”, da empresa Cafersa, pertencente ao grupo Rathschek.

Fotos: Carlos G. Hervella
Máis información na edición en papel do Periódico O Sil.

Artigos relacionados

Back to top button

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies
Close