En portada

Lubián celebra a Romería da Tuíza

Terá como escenario o santuario do mesmo nome ao longo da xornada do domingo 27 de setembro
Participantes na Romería da Tuíza nunha edición anterior./ Foto: Carlos G. Hervella.
Participantes na Romería da Tuíza nunha edición anterior./ Foto: Carlos G. Hervella.

Lubián despide setembro e tamén a programación do seu “Verán Cultural” coa celebración da Tuíza, un dos referentes anuais deste concello zamorano. O programa abríase na noite do 25 de setembro cunha verbena a cargo do grupo Cañón. Na seguinte noite actuaba a orquestra Panorama e xa o 27 de setembro, ao longo de todo o día, desenvolverase a Romería da Tuíza no santuario do mesmo nome e dedicado á Virxe das Neves.

Así a partires das once da mañá abrirán as súas portas os postos da Feira de Artesanía de Produtos da Terra, na que ademais de pan, doces e outro tipo de delicias gastronómicas, tamén poderán atoparse obxectos de artesanía.

Ás 11:30h. oficiarase a primeira misa da mañá no santuario, se ben a misa maior está programada para as 13h., xunto coa procesión coa imaxe da Virxe das Neves, que estará acompañada pola música da Banda As Portelas.
A festa continuará pola tarde coa actuación da orquestra La Oca ás 18h. e, como broche, ás 21h. poderá desfrutarse dunha degustación de vitela asada ao espeto e preparada por Karlos Ibarrondo. Deste xeito completarase o programa cultural de Verán do Concello de Lubián.

Artigos relacionados

Back to top button

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies
Close