En portadaÚltima hora

O lume de Viana continúa, pero sen perigo para os pobos

Na pasada noite a chuvia evitaba que o incendio chegase ata a poboación de Fornelos de Filloás

 

Incendio en Viana do Bolo na pasada noite./ Foto: Carlos G. Hervella.

Cun pouco máis de tranquilidade respiran en Viana do Bolo, tras outra noite tensa na que estiveron moi pendentes do lume e loitando para evitar que chegase ao pobo de Fornelos de Filloás. Finalmente a chegada da chuvia freou un incendio que, comezaba na Gudiña o domingo, e tras ameazar outras poboacións vianesas como Pradocabalos, Castro, Bembibre e Fradelo, pola noite ía directo ata Fornelos.

“Ao redor das catro ou cinco da mañá empezou a chover e esa foi a forma de paralo porque había unha liña de lume que ía pola zona da presa das Portas cara Fornelos e outra pola zona de Fradelo. Se non tivese chovido seguramente tería ardido todo”, comenta o tenente de alcalde de Viana do Bolo, Santiago Barja, que leva dúas noites seguindo a pé de monte este devastador incendio que leva queimadas milleiros de hectáreas nesta zona do oriente ourensán.

 

Monte arrasado na zona vianesa de Fradelo, tras o paso do lume onte./ Foto cedida.

 

Ao mediodía de hoxe o lume continúa, pero “agora a situación está mellor, xa o temos máis ou menos perimetrado e estamos vixiantes para evitar que volva a descontrolarse”, explica. Tamén conta que a paisaxe que as chamas deixaban ao seu paso é desoladora. “Dá pena ver como quedou todo o monte, pero aínda así temos que agradecer que afortunamente non houbo desgrazas persoais”.

Santiago Barja resalta a importancia da colaboración cidadá, dos voluntarios que se sumaron ás tarefas de extinción e que permitiron frear o lume, xa que os medios de que dispoñían eran limitados dada a situación que vivía Galicia na xornada de onte. “Temos que agracecer a gran colaboración cidadá que houbo, foi moi grande, houbo moita xente nova que se prestou, veu ao monte e meteuse a apagar o lume, involucráronse moitísimo. Esa axuda valeunos moito”.

Máis información sobre os lumes:
https://www.osil.info/provincia-segue-ardendo/

Artigos relacionados

Back to top button

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies
Close