ConcellosGalerías de fotosÚltima hora

Lume no corazón do Macizo Central Ourensán

A provincia de Ourense continúa a ser pasto da chamas, pero tamén o resto de Galicia. Desta volta a zona ourensá máis afectada é a do entorno de Maceda e Montederramo, onde parece ser que o lume chegou ata o espazo natural do Bidueiral. Este incendio forestal afecta tamén, segundo vén de facer público a Consellería do Medio Rural, ao termo municipal de Vilar de Barrio.

O lume empezou ás 01:01 horas desta madrugada e no seu control actúan nestes momentos 1 técnico, 6 axentes, 9 brigadas, 12 motobombas, 2 pas e 1 helicóptero. Colaboran ademais efectivos da UME (Unidade Militar de Emerxencias).

 

 

A este súmanse unha gran cantidade de lumes nas provincia de Coruña, Lugo, Pontevedra e mesmo en Portugal nas proximidades coa fronteira ourensá. Neste senso a Consellería do Medio Rural emitía esta mañá un comunicado no que aseguraba que “Galicia está a sufrir nas últimas horas unha elevada actividade incendiaria, con clara intencionalidade e virulencia, de forma que se rexistraron ata 80 incendios na nosa comunidade desde o día de onte. Ademais, hai incendios en Portugal que están preto da fronteira con Galicia e que obrigan aos medios da nosa comunidade a multiplicar os seus esforzos para evitar que nos afecten. Xunto co reforzo dos traballos de extinción, estase a intensificar a vixilancia policial nos diferentes puntos, para atallar a actividade incendiaria”.

Neste senso, a Consellería do Medio Rural fai “un chamamento á cidadanía para que denuncie calquera actividade delituosa incendiaria da que teñan coñecemento e que alerten a través do número gratuíto 085 dos incendios que localice”. Tamén fai un “chamamento á responsabilidade e prudencia da poboación, para que sigan as indicacións dos corpos e forzas de seguridade do Estado e faciliten o traballo dos medios de extinción”.

Artigos relacionados

Back to top button

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies
Close