CulturaCulturaÚltima hora

“Luppo” comeza na Rúa a xira por teatros galegos

Baobab Teatro porá en escena a súa última obra o domingo 28 de febreiro no Centro Cultural Avenida
Unha escena de Luppo, de Baobab Teatro.
Unha escena de Luppo, de Baobab Teatro.

O domingo 28 de febreiro ás seis da tarde, o Centro Cultural Avenida da Rúa acollerá a representación de “Luppo”, a última produción de Baobab Teatro, premiada como Mellor Espectáculo Infantil na XVIII Feira de Teatro de Castela e León 2015.

O espectáculo, pensado para público dende os 4 anos, dura uns 50 minutos e nel conviven actores de carne e oso cos títeres, que, coma a escenografía e o atrezzo, están feitos en cartón. Tal como explican dende a compañía, “Luppo” fala de sentimentos e emocións, do ciclo da vida, do apego coas persoas… “É un espectáculo que enxalza a importancia das relacións humanas independentemente da idade, e o máxica que é para os pequenos a influencia dos avós, avoas, veciños maiores, tíos, tías… que nos agasallan con tanta experiencia, tanto coñecemento e tanta paciencia”. Na dirección está Óscar Ferreira e sobre o escenario, Andrea Bayer, actriz e dramaturga e Xosé Manuel Esperante, actor cunha ampla experiencia teatral, cinematográfica e televisiva.

A Rúa será a primeira parada da compañia coa obra, que xa no mes de marzo poderá verse en diferentes espazos: na Casa da Cultura do Milladoiro, en Ames; no Teatro Principal da Estrada; no de Pontevedra; e no Auditorio Municipal de Cambados. Ademais, Baobab está a preparar a estrea do seu próximo espectáculo “A lúa e o lobo” para o día 11 de marzo.

Artigos relacionados

Back to top button

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies
Close