No caso antigo de Petín respirábase arte en estado puro nesta fin de semana. Este fermoso entorno convertíase os días 14 e 15 de agosto (entre as 20h. e as 23h.) nunha galería de arte ao aire libre moi especial. Das fachadas da igrexa e do conxunto de casas de pedra da parte mmáis antiga da vila penduraban cadros de diferentes temáticas, estilos e formatos de autores como Carina ou Lito, entre outros. Pintura, pero tamén escultura en madeira ou ferro de autores como Torino e Conde.
Esta singular proposta cultural, na que se seguían todas as medidas de seguridade fronte ao Covid, resultaba todo un éxito e numerosas persoas realizaban este percorrido artístico. Esta iniciativa estaba promovida polo Concello de Petín en colaboración cos artistas participantes e co apoio de Protección Civil.
Fotos: Carlos G. Hervella.