CulturaCulturaGalerías de fotosMúsicaÚltima hora

Magosto ao ritmo da música e das regueifas en Cerdeira (San Xoán de Río)

Celebrábase no mediodía do 3 de novembro cunha gran asistencia e foi organizado pola Asociación Cultural Santa María Madalena de Cerdeira coa colaboración da Asociación Cultural RíoMola e do Concello

Tradición gastronómica, musical e dialéctica no Magosto de Cerdeira (San Xoán de Río). Numerosas persoas compartían e participaban desta celebración de outono no mediodía do 3 de novembro arredor da mesa e xunto a un escenario cheo de actuacións. Así, os asistentes (que superaban as expectativas da organización) compartían un xantar popular (cun prezo de 10 euros para os adultos) a base de empanada, chourizos, pan, bica, castañas e viño.

E ademais compartían unha sobremesa moi especial. Estaba presentada por Sofía Tarela (Gharota da Ribeira), que compartía escenario (instalado nun remolque) con Ari de Cerdeira, co cantante e escritor Xurxo Souto, co acordeonista Manolo Maseda, o rumbeiro Víctor Mordecán e coa performace poética de Sofía de Labañou.

Non faltaban tampouco as sorpresas, como pezas de txalaparta, a cativa Marinha de Burela regueifando e as actuacións da cantante Uxia Cribeiro e o gaiteiro David Vilas. Ari de Cerdeira actuaba ademais con Miguel Veluso de Castro Caldelas e tamén podía escoitarse ao acordeonista local Ángel, ás nenas pandereteiras Icía e Manuela e Dorita de Cerdeira.

Este Magosto estivo organizado pola Asociación Cultural Santa María Madalena de Cerdeira coa colaboración da Asociación Cultural RíoMola e do Concello de San Xoán de Río.

Fotos da autoría de Martinho Ramos.

Artigos relacionados

Back to top button

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies
Close