Galerías de fotosOurenseÚltima hora

Magosto popular o día de San Martiño no parque do Barbaña, en Ourense

 

Despois de máis dunha semana de insistente chuvia, a xornada de hoxe, luns 11 de novembro, amencía traquila e mesmo soleada, preparándose para a celebración do tradicional magosto, un dos actos centrais da festa de San Martiño, patrón da cidade de Ourense, que un ano máis se desenvolvía no parque do Barbaña. A capital das Burgas presume de celebrar esta festa (declarada de interese turístico de Galicia) como ninguén o fai, e boa conta diso deron os cidadáns acudindo en masa a este punto de referencia da festividade ourensá por antonomasia.

En torno ás cinco da tarde comezaba a arder a fogueira mentres a xente ía recollendo o menú para degustar no parque: pan con chourizo e viño ou auga, e unha vez asadas, as castañas. A animación musical correu a cargo dos Daniñas.

 

Os Daniñas puxeron a nota musical á tradicional celebración.

 

Este ano o Concello de Ourense apostou por unha festa do magosto sostible e responsable involucrando a cidadanía, por iso Ecovidrio encargouse de instalar dous iglús onde cada ourensán poderá cambiar tres botellas ou tarros por unha árbore, o castiñeiro. Con esta acción, “Ecovidrio pretende trasladar a mensaxe de sustentabilidade ambiental, tanto desde o punto de vista da reciclaxe do vidro como convidando a veciñanza a plantar árbores”, en palabras de Germán Fernández, xerente da asociación sen ánimo de lucro para Galicia e o norte de España.

O programa do Magosto 2019 incluíu ademais outras actividades nos días previos ao San Martiño como concertos de música tradicional na praza Maior, obradoiros e animación de rúa.

Fotos: Carlos G. Hervella.

Artigos relacionados

Back to top button

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies
Close