Mailén Aller (Peña Trevinca Barco) acada o 5º posto do ranking nacional de orientación na categoría F12

É unha das orientadoras que participou nos “5 días de España de Orientación” celebrados na provincia de Soria

A deportista do Club Peña Trevinca Barco, en plena competición. /Foto: Wolf-O Training.

Máis de 1.500 deportistas de clubs españois, franceses, italianos e finlandeses participaban nos “5 días de España de Orientación” celebrados en distintas localidades de Soria. Trátase dunha competición formada por probas puntuables para a liga nacional de España, e algunha tamén para a liga mundial (WRE- World Ranking Event), disputada entre o 6 e o 10 de xullo, que contou coa asistencia de varios orientadores do Club Peña Trevinca Barco.

Nunha das probas de orientación máis importantes de España, a xove promesa do club valdeorrés Mailén Aller Pfirter, colleitaba un 4º, dous 5º e un 15º posto logrando situarse no 5º do ranking nacional na categoría F12, confirmando así o seu bo estado de forma. Sen dúbida unha motivación para seguir participando na liga nacional nos vindeiros meses co obxectivo de “poder chegar ao terceiro posto a nivel nacional, visitando as provincias de Castellón (Barracas), Zaragoza (Cariñena), Cadiz (Camp. de España) e Portugal (Penamacor, Camp Ibérico)”, avanzan orgullosos dende o club.

Scroll To Top

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies