DeportesÚltima hora

Mailén Aller (Peña Trevinca Barco) volve destacar na liga galega de orientación a pé

Era 1ª na categoría F12 na proba celebrada esta fin de semana en Rairiz de Veiga

Mailén Aller antes da proba da Copa Deputación 2019 disputada no Barco de Valdeorras. /Foto: Mónica G. Bellver.

 

O concello de Rairiz de Veiga acollía este domingo a 6ª e penúltima proba da liga galega de orientación a pé, unha das dúas que se celebran en mapas situados na provincia de Ourense na que participa o Club Peña Trevinca Barco.

En concreto, esta tiña lugar no mapa de A Saínza, sobre un terreno completamente chairo “que facilitou boas velocidades de carreira pero que esixiu a todos os orientadores unha concentración máxima para interpretar correctamente o mapa e tomar as mellores decisións de navegación”, explican dende o club valdeorrés que coma sempre conseguía bos resultados.

O máis destacado, unha vez máis, foi o de Mailén Aller Pfirter que se situaba 1ª na categoría F12 proclamándose campioa galega a falta dunha proba. A súa irmá Milagros era 3ª en F18. Tamén foron importantes os segundos postos de Israel Agudo Calvelo en M14; Iago Trigo Vázquez en M16; e Lisardo Vázquez Fernández en M21B. Ademais en iniciación curta, Olalla Vázquez Martínez era 1ª e Ariadna Conde Vázquez 2ª.

A liga finalizará o vindeiro 16 de novembro coa proba que se celebrará no Barco de Valdeorras organizada polo Club Trevinca Barco.

Artigos relacionados

Back to top button

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies
Close