OurenseÚltima hora

Máis de 10.500 cativos participan na 4ª “Semana Escolar da Árbore e da Auga”

A Deputación edita o libro-manual A invención do salgueiro en Ourensanía, dirixido a estudantes de Primaria

Do 19 ao 23 de marzo celébrase a cuarta edición da “Semana Escolar da Árbore e da Auga” organizado pola Deputación de Ourense para celebrar os Días Mundiais da Árbore e da Auga no que participarán 10.765 escolares e 849 docentes de 100 centros de Educación Primaria.

Para tal fin, o goberno provincial editou o libro-manual A invención do salgueiro en Ourensanía, dirixido a estudantes de Primaria, do que é autor Xosé Antonio Perozo. Na presentación da actividade, o presidente da Deputación explicou que a posta en marcha desta iniciativa cultural ten como obxectivo “divulgar entre os máis novos da nosa provincia, a importancia de preservar o noso medio ambiente, así como fomentar a concienciación medioambiental, unha temática que este ano adquire aínda máis forza despois da vaga de lumes que vivimos hai uns meses”.

O libro-manual está adecuado aos cursos de primaria e ten como árbore protagonista o salgueiro que, a través dunha historia de ficción que se desenvolve nos espazos naturais protexidos da provincia, pretende chamar a atención sobre as secas e os incendios educando na conciencia ambiental e na prevención e conservación da natureza, creada para que o alumnado goce e aprenda ao mesmo tempo.

Ademais do libro tamén se editou unha Guía do Profesorado que orientará aos docentes dos diferentes centros con actividades que redunden na concienciación medioambiental. A guía recolle propostas de actividades e pautas para utilizar os libros, que recibiron os alumnos inscritos e os seus profesores.

Como conclusión da actividade, o día 23 de marzo, ás 12 horas, os centros participantes procederán á plantación e bautizo dun pé de salgueiro remitido pola Deputación de Ourense a todos os centros participantes.

Artigos relacionados

Back to top button

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies
Close