EconomíaEconomíaÚltima hora

Máis de 100.000 persoas, na campaña invernal da Estación de Montaña de Manzaneda

Ademais a facturación global desta tempada incrementouse respecto ao ano pasado en máis dun 130%, aumentando en todos os departamentos da Estación
Esquiadores durante esta tempada invernal na Estación de Montaña de Manzaneda./ Foto: Carlos G. Hervella.

Balance positivo da campaña invernal na Estación de Montaña Oca Nova Manzaneda. Máis de 25.500 forfaits de esquiadores vendidos, que sumados a aproximadamente 82.000 visitantes, suman unha cifra que supera as 100.000 persoas. Un total de visitantes (dos cales o 80% eran españois e o 20% restante estranxeiros, principalmente portugueses) que se desprazaban á única estación de montaña galega para desfrutar dos seus servizos.

“Como valoración final pódese cualificar a campaña de boa en termos xerais. Se ben empezou o día 12 de xaneiro, as abundantes precipitacións en forma de neve permitiron que estivera aberta para a práctica do esquí e snowboard durante 69 días, con todas as pistas abertas na súa maioría. A nota predominante este ano foron os fortes ventos que obrigaron, por motivos de seguridade, a pechar as instalacións ata en 14 ocasións”, aseguran dende a Estación de Montaña de Manzaneda.

Ademais, a facturación global desta tempada invernal incrementouse respecto ao ano pasado en “máis dun 130%, aumentando en todos os departamentos. O maior crecemento osténtao a venda de forfaits con más dun 250% de incremento. En canto a grupos, a facturación superou os 300.000 euros, un aumento do 80% respecto ao ano pasado, cunha acollida moi importante de colexios que realizaron as súas semanas brancas na Estación e as campañas “EsquiOU 2018” da Deputación de Ourense e a “Campaña de Inverno 2018” da Deputación da Coruña”, aseguran dende Oca Nova Manzaneda.

Artigos relacionados

Back to top button

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies
Close