DeportesÚltima hora

Máis de 100 inscritos na I Marcha BTT de Cualedro

Un percorrido deportivo de 36 quilómetros pola historia do municipio ourensán, este domingo a partires das 9:30h.
Presentación da I Marcha BTT de Cualedro.
Presentación da I Marcha BTT de Cualedro.

Polas pistas e camiños rurais da localidade ourensá de Cualedro discorrerá a primeira edición da Marcha BTT que se celebrará o domingo 2 de outubro sobre un percorrido dunhs 36 quilómetros de dificultade media-alta.

A presentación da proba tiña lugar na mañá do 28 de setembro no Pazo Provincial, contando coa asistencia do vicepresidente da Deputación de Ourense, Rosendo Fernández; do asesor de Deportes da Deputación, Bernardino González; do alcalde de Cualedro, Luciano Rivero; do responsable da área de Deportes dos concellos de Cualedro e Monterrei, Marcos Meno; do tesoureiro do Club BTT Verín, Pablo Larrayoz; do responsable de protección civil de Verín, Manuel Higinio Alfonso.

A saída da marcha “non competitiva” terá lugar ás 9:30 horas, contando xa  con máis de 100 inscritos. Os prezos para participar son de 15 euros para a ruta e de 12 euros para o paseo, ambos con xantar incluído, e de 5 euros para a ruta sen xantar, sendo o paseo sen xantar gratuíto.

 

 

Artigos relacionados

Back to top button