ConcellosGalerías de fotosÚltima hora

Máis de 200 persoas asisten á pancetada que abre as festas patronais en Larouco

O programa estenderase ata o domingo coa procesión na honra á Virxe dos Remedios ás 13h. e a orquestra Fin de Siglo en sesión de tarde e verbena

Dende hoxe e ata o domingo, Larouco está en festas. Festas patronais na honra á Virxe dos Remedios que se abrían esta tarde cunha gran pancetada que reunía na explanada da Cooperativa, a máis de 200 persoas (os veciños comían de balde e os de fóra pagaban un prezo simbólico pola ración). Esta noite a música corre por conta da discoteca móbil Impacto.

O programa continúa mañá, sábado 7 de setembro, cunha serie de actividades para todos os públicos. Pola mañá, ás 9:30h. celebrarase un torneo de petanca e pola tarde haberá campionato de tute no Bar Irene (16:30h.), xogos infantís (17:30h.) e un torneo de fútbol (19h.). Ese día celebrarase unha misa polos difuntos (19:30h.) e o baile estará amenizado pola orquestra Marbella, que actuará en sesión de tarde a partir das 21h. e tamén verbena, xa de madrugada.

Así chegaremos ao domingo 8 de setembro, cun pasarrúas de boa mañá a cargo da charanga CLK que anunciará a chegada do día grande das festas. O acto central, a procesión coa imaxe da Virxe dos Remedios comezará á unha da tarde acompañada musicalmente polo grupo de gaitas de Abertal, e de seguido celebrarase a eucaristía na igrexa parroquial. O broche musical ás festa poráo a orquestra Fin de Siglo, con dous pases, un pola tarde-noite a partir das 21h. e outro en sesión verbena a partir da unha da madrugada.

Fotos: Carlos G. Hervella.

Artigos relacionados

Back to top button

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies
Close