ConcellosGalerías de fotosÚltima hora

Máis de 200 persoas celebran a Asunción na Alberguería (A Veiga)

A localidade desaparecida tras a creación do encoro de Prada celebra a súa xuntanza anual cunha misa, xantar popular e música

O espíritu da Alberguería (A Veiga) revivía hoxe cos festexos da Asunción. Como cada 15 de agosto, os veciños daquel pobo que desapareceu en 1958 tras a construción do encoro de Prada volveron xuntarse nas súas inmediacións. En total, 240 persoas se reuniron neste entorno para gozar dun día de festa que incluíu misa e procesión, xantar popular e música.

Arredor das 13 horas, os asistentes participaron nos eventos litúrxicos, que comezaron cunha procesión e posterior misa para celebrar a Asunción da Virxe María. Logo, nas vellas instalacións da empresa do encoro tivo lugar o xantar popular, onde as familias se reuniron para degustar ben os seus propios menús, ben unhas racións de pulpo á feira. Posteriormente, houbo momento para o espectáculo da queimada, a cargo de Franco -o bruxo da Alberguería-, e para o baile coa charanga Os Imparables.

Entre os asistentes tamén estivo Cristina Canelas Fernández, que aos seus 96 anos continúa participando na xuntanza anual do pobo da Alberguería. É das máis vencelladas a este lugar, posto que ela aínda é descendente dos que viviron na localidade antes da construción hidráulica. Estivo acompañada polas súas fillas Teresa e Rosa Paradelo Canelas, entre outros familiares.

Fotos: Carlos G. Hervella

Artigos relacionados

Back to top button

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies
Close