DeportesÚltima hora

Máis de 300 deportistas participarán no Campionato de España de Mushing Terra 2019, en Boborás

Será a terceira gran cita da tempada no calendario nacional e celebrarase os días 7 e 8 de decembro

 

A vindeira fin de semana, 7 e 8 de decembro, o concello ourensán de Boborás acollerá o campionato de España de Mushing Terra (carreira de trineos tirados por cans) co que colabora a Deputación de Ourense.

A proba, “que contribúe a dinamizar e promocionar o territorio a través desta actividade deportiva cada vez máis practicada”, segundo afirmou o vicepresidente da Deputación, Rosendo Fernández, disputarase sobre tres percorridos de 5,7, 4,2 e 2,7 quilómetros, nas diferentes categorías, e contará con participantes de 11 comunidades autónomas, sendo Galicia o territorio que máis achega, cun total de 75. Un circuíto que en opinión dos expertos “é rápido e moi esixente”, pero que conforma unha proba “que terá unha gran repercusión social e económica no noso municipio e na contorna”.

 

Presentación do campionato de mushing na Deputación de Ourense.

 

O campionato disputarase nas diferentes modalidade de Patín, Carro, Bikejoring e Canicross, e arrancará o sábado ás 9h. coa saída do primeiro participante. Ademais, todo aquel que o desexe poderá seguir a competición en directo a través do servicio de streaming:

Streaming da primeira xornada: https://bit.ly/33IOyhb

Streaming da segunda xornada: https://bit.ly/2rNjD62

Artigos relacionados

Back to top button

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies
Close