OurenseÚltima hora

Máis de 300 nenos participarán este sábado en Ourense no campionato galego de voleibol benxamín e alevín

CV Ourense e CV San Martiño organizan conxuntamente este campionato que reunirá nos pavillóns dos Remedios e O Pompeo ás promesas deste deporte no marco do programa Xogade

Presentación do campionato galego de voleibol en Ourense.

 

Este sábado 18 de xaneiro celebrarase o campionato galego de voleibol de categorías benxamín e alevín, que reunirá en Ourense a máis de trescentos cativos de toda Galicia que disputarán os seus partidos nas pistas habilitadas para tal fin no Pavillón Municipal dos Remedios e no polideportivo de O Pompeo.

O campionato está organizado polo Club Voleibol Ourense e Club Voleibol San Martiño, en colaboración coa Federación Galega de Voleibol e está amparado polo programa Xogade (Xogos Galegos Deportivos en idade escolar) da Secretaría Xeral para o Deporte da Xunta.

O programa era presentado polo presidente da FGV, José Ángel Luna, acompañado polo xefe de Servizo Provincial de Deportes da Xunta de Galicia, Manuel Pérez; polo concelleiro de Deportes de Ourense, Mario Guede; polo presidente do CV Ourense, Pablo Pérez; e polo director técnico do CV San Martiño, Mateo Fernández.

Ademais da promoción das actividades físicas deportivas en idade escolar, con especial incidencia no colectivo feminino, un dos obxectivo de Xogade é potenciar a deportividade e o xogo limpo acompañado da mellora do estado de saúde a través da adquisición de hábitos de vida activos e saudables, polo que nesta ocasión o campionato galego contará co patrocinio de LEITE GALEGA 100%.

Artigos relacionados

Back to top button

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies
Close