OurenseÚltima hora

Máis de 300 persoas e 26 carrozas participarán na Cabalgata de Reis en Ourense

A comitiva sairá ás 18 horas desde a avenida das Caldas e percorrerá as rúas máis céntricas da cidade ata a praza Maior

Cabalgata dos Reis Magos do 2019./ Foto: Carlos G. Hervella.

 

As súas maxestades os Reis Magos de Oriente percorrerán as rúas de Ourense este domingo 5 de xaneiro. A cabalgata sairá dende a avenida das Caldas ás 18 horas e desfilará repartindo 3.000 quilos de caramelos ata a praza Maior, emprazamento da fin de festa das 26 carrozas participantes.

A temática elixida pola Concellería de Cultura serán os animais do mundo. Así, a Cabalgata contará a historia da viaxe dos tres reis magos polo mundo ata chegar á cidade de Ourense. No seu periplo, foron atopándose animais fantásticos e marabillosos que decidiron acompañalos para coñecer as nenas e os nenos de Ourense. Unha narrativa construída a través das imaxes oníricas propostas nos espectáculos e animacións coas representacións de diversos animais, utilizando atractivas técnicas de construción escenográfica para representar o mundo animal.

 

Plano do percorrido da cabalgata polas rúas de Ourense.

 

Os elementos que compoñen esta cabalgata están deseñados para a constante interacción co público, de forma que as nenas e os nenos aperten, toquen e palpen estes marabillosos seres. A través deste espectáculo, o Concello quere achegarlles o mundo animal á cativada de Ourense dunha maneira respectuosa co medio ambiente.

Máis de 300 persoas participarán activamente na Cabalgata facendo figuración. Ademais, técnicos municipais encargaranse de acompañar o desfile durante o percorrido, ademais de persoal de Protección Civil e Policía Local.

 

Artigos relacionados

Back to top button

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies
Close