OurenseÚltima hora

Máis de 50 locais participarán nesta edición de outono do concurso de pinchos Sabores de Ourense

O certame celebrarase do 7 ao 17 de novembro e o importe máximo dos pinchos será de 2,50 euros

Presentación do concurso de pinchos de Ourense Sabores de Outono.

 

Entre o 7 e o 12 de novembro, no marco da celebración do Magosto (festa declarada de interese turístico) desenvolverase en Ourense a 12ª edición do concurso Sabores de Ourense-Pinchos de Outono.

Organizada pola Concellería de Turismo e Termalismo de Ourense e executada pola (UHO), esta cita gastronómica “convida a residentes e visitantes da cidade a gozar coas máis saborosas receitas elaboradas con cogomelos e castañas, materias primas frescas e de tempada, buscando potenciar así os produtos locais”, en palabras da concelleira Flora Moure.

Nesta edición participarán 53 establecementos -2 máis que en 2018 e 7 máis que en 2017-, dos que 12 fano por primeira vez. A maioría están concentrados na zona dos viños e no Ensanche, aínda que o barrio da Ponte aparece como alternativa para unha escapada culinaria con 4 locais do outro lado do Miño.

 

Detalle dun pincho da anterior edición.

 

Entre as tendencias desta tempada nos menús destacan as distintas variedades de carnes brancas (parrulo, polo, pavo…); predominan receitas como lasañas, croquetas e espetos; e por primeira vez os bolos recheos lle fan a competencia ás torradas de porco, un clásico da do concurso. A modo de “sorpresa”, haberá varios varios pinchos para comer con culler.

O importe máximo dos pinchos será 2,50 € e con respecto aos premios, os oficiais do concurso son os 3 outorgados polo xurado profesional; os 3 concedidos polo público; e o Premio Pincho Celíaco, pola delegación ourensá da Asociación Galega de Celíacos, ao que optarán todos os pinchos que non empreguen glute na súa elaboración (14 nesta edición). O público que deposite o seu voto (debidamente cuberto con selos de 3 locais distintos) nas urnas colocadas nos establecementos participantes entrará no sorteo de distintos agasallos cos que se premiará a súa fidelidade. Ademais, o pincho gañador do 1º Premio do Xurado desta edición será o representante de Ourense no concurso autonómico “De Tapas por Galicia”. Tamén haberá un Premio Especial do Ribeiro para os consumidores que mariden o seu pincho cun viño desta DO.

A información sobre locais e pinchos pode consultarse na web Sabores de Ourense.

 

Artigos relacionados

Back to top button

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies
Close