DeportesÚltima hora

Máis de 500 ximnastas de toda Galicia participarán no X Torneo de Primavera Cidade de Ourense

A cita será este sábado, 14 de abril, no pavillón dos Remedios
Un exercicio de ximnasia con pelotas.

A cancha central do pavillón dos Remedios de Ourense acollerá este sábado 14 de abril, o X Torneo Primavera Cidade de Ourense, unha competición de ximnasia que reunirá a un total de 545 deportistas de 23 clubs. Organizado polo Ximnasia Pavillón, un club con máis de 30 anos de traxectoria, esta edición ten como principal obxectivo “asociar o evento ao bo facer da marca Ourense”.

Así, ata a cidade de Ourense desprazaranse clubs das catro provincias galegas, pero tamén dende Asturias (Club Rítmica Milany) e Castela León (Club Mapecca de Zamora).

Pola mañá poderase ver un adianto do que as ximnastas están a preparar para a Copa Federacións de Ximnasia Estética, e na xornada de tarde haberá lugar para as deportistas que preparen o campionato galego individual de clubs, clasificatorias para o campionato de España. Sobre a cancha estarán tamén as deportistas que se preparan para a Copa de España de Guadalaxara do 22 de abril. O peche ao torneo será un exercicio de expresión corporal creado pola profesora de ballet do CX Pavillón, Irina Iembergenova.

Artigos relacionados

Back to top button

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies
Close