ConcellosGalerías de fotosÚltima hora

Máis de 70 persoas saboreaban os pratos do I Concurso de paella estilo libre da Granxa Escola de Lentellais

O ganador desta edición era José Luis de Celavente cunha paella de marisco e carne

 

Nada fácil llo poñían ao xurado os cinco cociñeiros participantes no I Concurso de paella estilo libre organizado pola Granxa Escola de Lentellais (O Bolo) o 28 de setembro. Situados cada un deles nunha zona da finca, elaboraban con moito segredo e mimo o seu prato dende as 12h.

Arredor das 14:30h. as súas paellas eran catadas polos cinco membros do xurado (que presidía Vicente J. Álvarez), que tardaban máis de media hora en emitir o seu fallo, dada a calidade das elaboracións presentadas. Finalmente o resultado da deliberación convertía en ganador desta primeira edición a José Luis de Celavente pola súa paella de marisco e carne, que levaba como premio un xamón. Ademais cada un dos participantes levaba como agasallo, patrocinado por Carrizo, unha botella de viño.

E tras o xurado, era o público en xeral o que podía catar as paellas do concurso nun xantar popular que reunía a 72 persoas e cuxa entrada tiña un custo de 10 euros no caso dos adultos e de 4 euros no dos nenos e incluía, ademais do arroz, pan e bica da panadería do Bolo, café de máquina e licor café.

A celebración prolongábase ata a tarde e a noite e, de feito, o bo ambiente que reinaba animaba aos outros catros cociñeiros (das localidades bolesas de Lentellais, Santa Cruz, Fornelos e Tuxe) a mercar un xamón, para o que se escotaba, e a compartir o pan que sobrou para degustar pan con tomate e xamón na merenda.

Dende a Granxa Escola A Capilla, promotora da iniciativa, faise un balence moi positivo desta edición e xa se está pensando en novas propostas de cara ao outono para fomentar a participación de veciños e visitantes en torno á gastronomía e a festa.

Fotos cedidas.

Vídeo sobre o concurso de paellas:
https://www.youtube.com/watch?v=vMdwzUCefBI&feature=youtu.be

Artigos relacionados

Back to top button

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies
Close