OurenseÚltima hora

Máis de 700 maiores participarán nas actividades de Envellecemento Activo

O programa, posto en marcha pola Concellería de Asuntos Sociais, iniciará o vindeiro 24 de outubro
Persoas maiores paseando polo ourensán parque de San Lázaro. // Foto: S.F.
Persoas maiores paseando polo ourensán parque de San Lázaro. // Foto: S.F.

En total 142 homes e 592 mulleres. Máis de 700 maiores ourensáns comezarán o vindeiro 24 de outubro a nova tempada de actividades do programa de Envellecemento Activo. Posto en marcha pola Concellería de Asuntos Sociais, ten como obxectivo evitar a dependencia na terceira idade. A programación ao completo será presentada este xoves, 20 de outubro, nun acto que terá lugar ás 12h no Auditorio Municipal e que terá como participantes aos propios inscritos. O Concello trazou para eles unha oferta de preto de 1.000 prazas en 27 actividades diferentes, todas elas gratuítas.

Estes cursos van enfocados sempre a persoas maiores de 60 anos. Para esta tempada 2016/2017 recibíronse máis de 1.200 solicitudes, formáronse 44 grupos coas 734 persoas finalmente anotadas, das cales 163 participarán por vez primeira. A gran maioría está conformada por mulleres, algo que reflicte “unha proporción que se vén repetindo habitualmente dende a posta en marcha do servizo, malia os nosos esforzos por animar aos homes a participar destas actividades”, valorou a técnica de Asuntos Sociais, María José Valeiras.

Artigos relacionados

Back to top button

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies
Close