O Consello Municipal de Deportes do Concello de Ourense entregaba, na mañá do 17 de decembro, unha doazón de 866 euros procedentes do dorsal solidario dos corredores que participaron na Carreira Pedestre Popular do San Martiño 2019, en favor da Asociación Ourensá de Esclerose Múltiple, ELA, Párkinson e enfermidades neurodexenerativas (AODEM).
As achegas solidarias realizadas polos deportistas ourensáns e canalizadas a través do Consello Municipal de Deportes irán destinadas á campaña “Proxecto interdisciplinar de atención a persoas con enfermidades neurodexenerativas e as súas familias” que desenvolve a asociación ourensá. A doazón supón o 100% da recadación.