Porche, BMW, Betley, Maseratti, Lamborgini, Mercedes, Bugati,… Máis de 170 participantes e 90 vehículos están inscritos na III edición da concentración de coches súper deportivos, que se celebrará este sábado, 26 de maio, no Carballiño, unha das máis concorridas e vistosas que reunirá os modelos máis chamativos das marcas de coches de maior prestixio.
O valor total dos vehículos inscritos calcúlase en arredor dos 20 millóns de euros, e algún dos coches supera o valor dun millón de euros, o que certifica o nivel da convocatoria deste ano que comezará sobre as 10 da mañá na rúa Aldara e Cesáreo Tizón, así como nos arredores da praza Maior. Despois haberá unha ruta pola comarca, xantar e circuíto, para rematar de novo na praza onde permanecerán os vehículos estacionados ata a noite.
