Durante cinco horas, sumilleres, distribuidores, profesionais do sector da restauración, membros de escolas de hostalaría e medios de comunicación podían descubrir e coñecer as diferentes tipoloxías de viños brancos e tintos da Denominación de Orixe Monterrei. Máis dun cento de persoas participaban no Túnel do Viño que o seu consello regulador organizabana tarde do 28 de agosto en Ferrol.
Os asistentes podían degustar os viños das seguintes adegas: Pazos del Rey, Ladairo, Gargalo, Castro de Lobarzán, Quinta do Buble, Crego e Monaguillo, Terras do Cigarrón, Triay Adegas de Oímbra, Pazo Blanco Núñez (Tapias Mariñán), Boo-Rivero, Manuel Guerra Justo (Vía Arxéntea), Concepción Paradela Martínez, Pazo de Valdeconde, Tabú, Franco Basalo, Alba Al-Bar (Daniel Fernández), Fausto Rivero Pardo (Quinta Soutullo) e Trasdovento.
Ademais, os asistentes a esta iniciativa recibían información sobre a historia, características edafoclimáticas, orografía e tradición vitivinícola desta comarca do sur de Ourense, que connta co maior número de lagares rupestres de Galicia.
Este evento inclúese dentro do programa de accións promocionais dos viños de Monterrei para o ano 2018, “que nos permitiu achegarnos a cidades como Bilbao, Santander, Barcelona ou Madrid”, destaca a presidenta do consello regulador desta denominación, Lara Da Silva, “e que terá a súa continuación nos últimos meses deste ano”.
