Na mañá do luns 27 de xuño arrancaba no Campiño de Viloira unha nova edición do campus de fútbol de verán do CD Barco polo que pasarán, a longo das tres semanas que durará, uns 105 cativos de idades comprendidas entre os 4 e os 16 anos. A primeira semana estenderase ata o venres 1 de xullo, a segunda irá do 4 ao 8 de xullo e a terceira do 11 ao 15, cunha media de 32 cativos en cada unha.
En horario de mañá, de 9:45 a 13:15 horas, e distribuídos por grupos de idade os participantes poderán practicar fútbol e tamén iniciarse neste deporte da man de profesionais do club de fútbol do Barco como son Rubén García ou Iván Guntiñas, entre outros.
Nesta edición o campus mantén o formato do ano pasado, centrándose no apartado deportivo e técnico, sen as excursións e actividades complementarias que adoitaba ter antes da pandemia.
Fotos: Mónica G. Bellver.