EconomíaEconomíaEn portadaGalerías de fotosÚltima horaViticultura

Máis dun millar de persoas no 12 Camiño das Covas do Castro

Sete adegas abrían as súas portas nesta edición, con viños e multitude de pinchos

A partires das sete da tarde do 1 de xullo a vila do Castro convertíase en punto de encontro de multitude de persoas. Acudían para participar no 12 Camiño das Covas desta localidade barquense, un traxecto que mestura a tradición vitivinícola coa gastronomía e a festa.

Na mesma praza da vila instalábase un posto no que os participantes mercaban a súa entrada a un prezo de 10 euros para os adultos e de 3 euros para os nenos. Nesta edición ademais os menores de 18 anos ían identificados cunha pulseira cor vermella, mentres que a dos adultos era de cor azul.

No percorrido polas sete adegas que abrían as súas portas podía degustarse viño (branco e tinto), así como auga, xunto con multitude de pinchos: queixos de diferente tipo, empanadas, lacón asado… O ambiente estaba animado pola actuación dunha charanga. A partires das once da noite a festa trasladábase á praza do Castro, onde actuaban os correctos.

Segundo as primeiras estimacións da organización máis de mil persoas participaban nesta ruta que promove a Agrupación de Bogueiros do Castro coa colaboración do Concello do Barco.

Fotos: Carlos G. Hervella/ A.R.

Artigos relacionados

Back to top button

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies
Close