Ao longo do mes de novembro nos establecementos asociados a AEVER/CCU Verín desenvolverase a campaña “Máis que comercio!”, que promove a Dirección Xeral de Comercio. Con ela búscase impulsar as vendas do comercio de proximidade premiando a confianza dos seus clientes, tal e como se sinalaba na presentación desta campaña nun acto que tiña lugar na mañá do 3 de novembro.
A campaña consistirá en que as persoas que merquen en novembro nos comercios asociados ao CCU de Verín recibirán durante todo o mes un cupón por cada 5€ de compra, o que lles permitirá participar nun xogo en liña na web www.maisquecomercio.com. Nesta páxina, votando ao seu establecemento favorito, poderán optar a unha tarxeta regalo de 200 euros e dúas de 100 para mercar no comercio local, así como a diferentes agasallos, como vales de compra e diferentes produtos achegados polos propios comerciantes. Ao remate do mes, o establecemento seleccionado polos clientes que participen na iniciativa recibirá un recoñecemento público ao seu labor.
