EconomíaEconomíaÚltima hora

“Máis que comercio”, no Barco CCA

A directora xeral de Comercio presentaba esta no Barco esta campaña de dinamización comercial
Rolda de prensa de presentación da campaña./ Foto: Ángeles Rodríguez.
Rolda de prensa de presentación da campaña./ Foto: Ángeles Rodríguez.

Chega ao Barco a campaña de dinamización comercial “Centros Comerciais Abertos. Máis que comercio!”. O acto de presentación da mesma tiña lugar na tarde do 2 de outubro e contaba coa presencia da directora xeral de Comercio, Sol Vázquez Abeal, e coa do presidente do Barco Centro Comercial Aberto (CCA), Ángel Álvarez, entre outras autoridades.

Esta campaña pretende impulsar as vendas do comercio de proximidade premiando a confianza dos seus clientes. Así durante o mes de setembro as persoas que merquen nos comercios asociados ao CCA recibirán un cupón por cada 5 euros de compra, o que lles permitirá participar nun xogo en liña na web www.maisquecomercio.com. Nesta páxina, votando ao seu establecemento favorito, poderán optar a unha tarxeta regalo de 200 euros e dúas de 100 para mercar no comercio local.

Ao remate do mes, o establecemento seleccionado polos clientes que participen na iniciativa, recibirá un recoñecemento público ao seu labor. Esta iniciativa da Consellería de Economía e Industria está a desenvolverse neste ano nos diferentes centros comerciais abertos de Galicia co fin de destacar os valores do comercio de proximidade como a calidade, o trato ao cliente, a diferenciación e a variedade.

Sol Vázquez destacaba asemade o importante labor que se desenvolve dende o CCA barquense, ao que se refería como un dos de referencia en Galicia.

Detalle de cartaces promocionais desta campaña do Barco CCA./ Foto: Ángeles Rodríguez.
Detalle de cartaces promocionais desta campaña do Barco CCA./ Foto: Ángeles Rodríguez.

Artigos relacionados

Deixa unha resposta

O teu enderezo electrónico non se publicará Os campos obrigatorios están marcados con *

Back to top button

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies
Close