Publicidade
ConcellosGalerías de fotosÚltima hora

Malcavada abre a XXXV Feira do Viño de Amandi

Na mostra poden degustarse os caldos de 22 adegas de Sober, pertencente á D.O. Ribeira Sacra

Durante esta fin de semana Sober está a ser un punto de encontro de afeccionados e profesionais do mundo do viño. No mediodía do sábado 28 de marzo abría as súas portas o recinto da XXXV Feira do Viño de Amandi, instalado na praza do Concello, coa participación de 22 adegas deste municipio lucense, amparadas pola Denominación de Orixe Ribeira Sacra.

A apertura oficial corría a cargo, nesta ocasión, de representantes da Adega Malcavada de Rosende, nun xesto de lembranza ao seu fundador, Antonio Vázquez. Xunto a elas estaban o alcalde de Sober, Luis Fernández Guitián, e a delegada da Xunta en Lugo, Raquel Arias.

De seguido, soaba a música do grupo tradicional do Agadic e o público comezaba a percorrer os diferentes expositores do recinto das adegas A Man de Prado (Bolmente), Algueira (Doade), As Muras e Barbado (Proendos), Cividade (Outeiro-Bolmente), Cruceiro e Décima (Vilachá-Doade), Don Bernardino (Cimadevila-Brosmos), Estrela (Vilachá-Doade), Guímaro (Samil-Brosmos), Lucenza (Corbelle-Proendos), Marcelino I (A Carqueixa-Proendos), Proencia (Sansillao-Proendos), Rectoral de Amandi (Igrexa-Amandi), Regina Viarum (Doade), Surga I (Lobios), Val da Lenda (Cantón-Amandi), Viña Ferreiro (Camilo-Bolmente), Viña Cazoga (O Pacio-Amandi), Viña Peón (O Barrio-Figueroá), Viña Regueiral (A Cal-Barantes) e a xa mencionada Malcavada (Rosende).

Pola tarde tiña lugar a retransmisión en directo dende a mesma praza do Concello do programa da TVG “Aquí Galicia” con entrevistas e actuacións musicais. Ademais desenvolvíase a precata oficial na sala de catas do Centro Sociocultural de Sober, así como o concerto da Banda de Música de Sober, entre outras actuacións.

A mostra continuará o domingo 29 de marzo coa apertura do recinto e tamén con animación musical da Charanga NBA, cun pasarrúas a cargo da Banda de Música de Sober, coa cata final dos viños da feira, así como co pregón ás 13h. a cargo de Enrique Cerezo Torres, presidente do Atlético de Madrid. De seguido, procederase á entrega de premios aos adegueiros.

Xa pola tarde soará de novo o ritmo da Charanga NBA e a partires das 19:30h. haberá baile coa orquestra Los Satélites.

Fotos: Carlos G. Hervella/ Concello de Sober

Artigos relacionados

Back to top button

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies
Close