SanidadeÚltima hora

Manifestación en Verín en defensa da sanidade pública

Está convocada Plataforma en Defensa da Sanidade Pública da Comarca de Monterrei e partirá do Hospital de Verín a partires das 18:30h 24 de marzo

“Non somos números, somos persoas”. É o lema escollido pola Plataforma en Defensa da Sanidade Pública da Comarca de Monterrei para a manifestación que vén de convocar e que se celebrará o 24 de marzo en Verín. O seu percorrido partirá dende o Hospital de Verín ás 18:30h. As persoas asistentes farán unha ringleira ata a praza Maior da vila “para simular as nosas esperas”, segundo os convocantes.

O goberno municipal de Verín vén de anunciar a través dun comunicado que se suma a esta manifestación. Deste modo quere amosar “o seu total respaldo á denuncia das políticas de recorte da Xunta nesta materia, xa que cremos que están directamente relacionadas co deterioro que está a experimentar o sistema sanitario público”, e o seu firme compromiso “co mantemento e mellora de todos os apartados asistenciais na comarca, así como coa defensa dun modelo de Sanidade de xestión Pública ao 100% e de carácter universal”.

Desde o grupo de goberno recalcan tamén que, “a calidade e as prestacións da sanidade en Verín están en franco retroceso, e, por tanto, é fundamental facer un chamamento público para que todos os veciños e veciñas acudan á manifestación convocada este sábado 24 de marzo en Verín”.

Artigos relacionados

Back to top button

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies
Close