Trala suba da curva do coronavirus en Valdeorras rexistrada onte, a xornada deste xoves 15 de abril preséntase estable, manténdose en 46 o total de positivos contabilizados, segundo os datos comunicados polo Sergas.
No caso do Barco mantéñense os 22 casos activos cunha incidencia acumulada para este concello entre >125 e ≤ 250 tanto a 7 como a 14 días, segundo a Consellería de Sanidade.
Carballeda de Valdeorras mantén tamén o número de casos de onte, é dicir 17, cunha incidencia a 14 de días de máis de 500, mentres que é de menos de 250 nos últimos 7 días, segundo a Consellería de Sanidade.
A Rúa mantén 4 casos activos (incidencia acumulada a 7 días de >25 e ≤75 e a 14 días de >50 e ≤150; e Rubiá 3 (incidencia acumulada de máis de 150 e menos de 250 tanto a 7 como a 14 días).