ConcellosGalerías de fotosÚltima hora

Manuel Valdés, homenaxeado na Festa das Letras de Parada de Sil

O Concello organizaba un acto conmemorativo que incluía tamén a entrega de premios do seu concurso de microrrelatos

A Casa do Concello de Parada de Sil era escenario na mañá do 14 de maio dunha dobre celebración. Dende hai uns anos, este municipio ourensán fai coincidir a celebración do Día das Letras Galegas coa homenaxe a un veciño que teña destacado pola súa actividade e que xeralmente reside fóra do concello. Desta volta a persoa escollida era Manuel Valdés, empresario natural de Sacardeboi, e que emigraba sendo adolescente a terras catalás. Tras desempeñar diversos oficios, convertíase en taxista e logo fundaba Radio Tele Taxi, onde defendeu sempre o galego e aos galegos. Paralelamente adquiriu e reflotou as Adegas Valcar.

O acto das Letras Galegas comezaba en Parada de Sil coas intervencións das autoridades e coa actuación da Coral Vellos Amigos de Manolo de Dios. A alcaldesa, Yolanda Jácome, destacaba a traxectoria de Valdés, incidindo en que Parada de Sil séntese orgullosa de poder homenaxear a persoas que teñen feito un labor destacado no eido profesional e que ao mesmo tempo promocionan a súa terra.

Pola súa banda, Manuel Valdés, recordaba as andanzas da súa infancia e expresaba emocionado o seu agradecemento ao “seu pobo a aos meus veciños”. Tamén animaba a defender o valor do galego. “Nós temos unha lingua propia, non a temos que inventar nin alugar, así que usémola e defendámola”.

No transcurso deste acto tiña lugar tamén a entrega de premios do concurso de microrrelatos Parada de Sil-Ribeira Sacra. O primeiro premio, dotado con 1.000 euros recaía na escritora madrileña María Cabezas Ruíz; o segundo, dotado con 500 euros, era para Ariadna Fernández Colunga, unha xove escritora leonesa. Debido á calidade dos traballos, o xurado acordaba facer unha mención excepcional para o traballo “A miña serea” do vigués Xosé Alfredo Fernández, para quen o patrocinador otorgou 300 euros, a pesares de non estar contemplado nas bases.

O programa do acto completábase coa descuberta dunha placa de granito na casa natal de Manuel Valdés, no pobo de Sacardebois. O acto contaba coa presencia da Coral Vellos Amigos de Manuel de Dios, baixo a batuta de Juan Feijóo, que interpretaba o poema “O Carro” en homenaxe ao poeta monfortino Manuel María, a quen está dedicado neste ano Día das Letras, así como o himno de Ourense, de Manuel de Dios. O mesmo grupo pechaba a xornada coa interpretación do himno galego.

Artigos relacionados

Back to top button

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies
Close