En portadaGalerías de fotosÚltima hora

Manzaneda tínguese de branco na Festa Ibicenca

Preto de 300 persoas asistiron á paellada que abría as festas na honra á Virxe das Neves

Na noite máis calurosa do que vai de verán, Manzaneda abría as festas patronais cunha multitudinaria cea. Un total e 273 persoas asistían o 3 de agosto á festa Ibicenca no patio do colexio. Alí, vestidos de branco e nalgúns casos con flores no pelo, mozos e maiores desfrutaban dunha exquisita paella ademais de embutidos, empanada, bebida, postre e café, servido por Mantesil. A música corría por conta de dj Cabra. A verdade é que foi un éxito, a ver se o ano que vén chegamos ás 300″, di Jacobo dende a comisión de festas.

O programa das festas na honra á Virxe das Neves continuará hoxe, sábado día 4 pola mañá cun pasarrúas dos Bertolini e misa soelmne cantada polo coro Voces de San Martiño. Pola tarde e noite a música correrá por conta da orquestra Kubo, pechando a xornada os ritmos de dj Tariro. Durante a verbena realizarase o sorteo de agasallos das rifas que a comisión leva un tempo vendeo.

Mañá domingo 5 de agosto e derradeiro día de festas, haberá pasarrúas coa charanga Fuego que tamén actuará durante a procesión prevista para as 13h. O baile, en sesión de tarde e verbena, correrá por conta da orquestra Ledicia que porá o broche musical ao programa deste ano. Ese día serán tamén as finais do IL Torneo de Fútbol Sala Vila de Manzaneda.

Fotos: Carlos. G. Hervella.

 

Artigos relacionados

Back to top button

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies
Close