Con lecturas, moitas lecturas se celebra o Día Internacional do Libro no Concello da Rúa. O día 23 terá lugar na biblioteca pública un maratón, aberto a todos os públicos, de lectura centrado no libro “Don Quijote de la Mancha”. Desenvolverase entre as 10h. e ás 13:30h. Ademais haberá un photocoll con Don Quixote e Sancho a lombos de Rocinante e Rucio, no que os máis cativos poderán sacarse fotos.
As actividades para conmemorar o Día do Libro na Rúa continuarán o 25 de abril coa actividade “Libros En-cantados” da man do rues Magín Blanco. Será ás 12h. na biblioteca e está dirixido a nenos e nenas a partires de 3 anos. Este acto forma parte do programa “Ler conta moito”. Deste xeito completarase o chamado “Mes do Libro” na Rúa, que tamén incluía a celebración do Día do Libro Infantil e Xuvenil coa mostra “Os animais nos contos” e coa actividade “Pinta o teu animal de conto” para os nenos de infantil e primaria. Asemade durante a segunda quicena de abril pode visitarse unha interesante e singular mostra de marcapáxinas na Biblioteca Pública da Rúa.