Pasadas ás dez e media da mañá do 2 de xuño os alumnos do colexio Otero Pedrayo de Viloira (O Barco) reuníanse no exterior do centro montados nas súas bicicletas. Minutos despois, e precedidos pola Policía Local iniciaban unha marcha cicloturista rumbo ao polígono da Raña.
A actividade estaba aberta a todos os escolares do centro, xunto con profesores, e os máis pequenos ían acompañados dos seus pais. Tras saír do colexio, cruzaban a ponte de San Fernando e dirixíanse, polo casco antigo ata o Malecón. Dende alí xa enfiaban ata o polígono, onde tiñan previsto dar a volta para regrasar, pola outra beira do río, ata o CEIP.
Esta é a primeira vez que o centro organiza unha actividade deste tipo, que forma parte do Plan Proxecta Mobilidade Sostible e Segura. Con esta iniciativa colaboraban a Policía Local, Protección Civil e a Cruz Vermella.
Fotos: Ángeles Rodríguez/ Mónica G. Bellver.
