Marcos Arias pesca unha troita de 4,2 kg en Quereño (Rubiá)

Marcos Arias Fernández amosa a troita de 4,200 kg.

O río Sil segue agochando verdadeiros tesouros piscícolas. Se non que llo pregunten a Marcos Arias Fernández que na tarde do 15 de abril pescaba unha fermosa troita de 4,2 kg ao seu paso polo concello de Rubiá, entre Quereño e Sobredo.

Marcos asegura que todos os anos colle algún exemplar de 2 kg e este ano pescou xa algún de 3 pero facerse coa de máis de 4 kilos foi toda unha fazaña. Non só polo tamaño senón porque a pescou a perdigón. “É un anzól moi pequeno e o sedal de dous quilos e medio, unha cana moi pequena, e ademais abriron as comportas xunto nese momento e tardei 45 minutos en sacala. Ao final xa non sentía os brazos”, explica.

A recompensa a tanto esforzo, foi a lustrosa troita que Marcos levou para casa xunto a outras tres de tamaño máis reducido.

 

Ademais da grande, Marccos fíxose con outras tres troitas máis pequenas.

Scroll To Top

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.

ACEPTAR
Aviso de cookies