PolíticaÚltima hora

María Albert: “O BNG levou a iniciativa nesta campaña electoral na Rúa”

A candidatura nacionalista na Rúa facía balance desta campaña para as municipais, que rematará mañá
A cabeza de lista do BNG na Rúa, María Albert, xunto a dous membros da candidatura, Roberto Quiroga e Avelino Fernández, na rolda de prensa.

A falta de apenas un día para o remate da campaña electoral das municipais, a candidatura do BNG da Rúa convocaba á prensa para facer balance e unha posta en común do traballo realizado. “Pensamos que o BNG levou a iniciativa desta campaña na Rúa, facendo propostas programáticas en diferentes ámbitos e sectores produtivos e incidindo nas potencialidades de futuro deste concello como son, entre outras, o turismo e o viño. Houbo quen foi á cola diso foi contestando a esas propostas, mentres que outros nin sequera fixeron iso”, comentaba a candidata á alcaldía nacionalista, María Albert.

Dende o BNG tamén se lamentou que non houbese un debate entre os diferentes candidatos, “que tería permitido confrontar as diferentes ideas e propostas”. E xa na recta final da campaña, María Albert considera que hai dous escenarios posibles: unha opción de esquerdas liderada polo BNG e outra de dereitas liderada polo PP.

 

María Albert, durante a súa intervención.

 

Dende a candidatura nacionalistas destácanse as “boas sensacións percibidas durante a campaña e pensamos que podemos subir. Cremos que fixemos un bo traballo nestes catro últimos anos e que a xente sabe recoñecer ese labor”.

O BNG porá fin a campaña electoral o venres 24 de maio pola tarde cunha pequena pinchada no seu local para as persoas que colaboraron nestes días co proxecto e que tamén está aberta á cidadanía.

Fotos cedidas.

Artigos relacionados

Back to top button

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies
Close