O filme “María Solinha”, do director petinés Ignacio Vilar, continúa a súa xira polos concellos da Galicia rural. A próxima sesión será no concello de Vilamartín de Valdeorras, o domingo 26 de xullo, ás 22:30h. A proxección será ao aire libre, no campo de fútbol municipal.
Para a exhibición do filme, o director quixo apostar por unha serie de visionados en concellos pequenos que carecen de sala de cine. Con esta estratexia, Vilar pretende que sexan os habitantes do rural os primeiros en desfrutar de “María Solinha”, antes da súa estrea en salas comerciais.
