Combina a música de artistas nacionais e internacionais coa promoción patrimonial, natural, vitivinícola, gastronómica e económica dos establecementos da zona. Así é o 17º Ribeira Sacra, o primeiro festival internacional de música desta zona vitivinícola, da cabalo entre as provincias de Ourense e Lugo. Celebrarase entre os días 28 e 30 de xullo e inclúe concertos no Miradoiro de Santiorxo, no Parador de Monforte, no embarcadoiro de Doade ou nas adegas, entre outros; así como visitas guiadas, roteiros, catas de viño e degustacións de produtos autóctonos.
O programa deste festival presentábase na mañá do 12 de xuño na capela real do Hostal dos Reis Católicos en Santiago de Compostela. No acto participaba, ademais do presidente do CRDO Ribeira, José Manuel Rodríguez, e de alcaldes de concellos deste territorio, a directora xeral de Gandaría, Agricultura e Industrias Agroalimentarias, Belén do Campo, entre outras autoridades.
Neste certame actuarán Sumrrá, Novedades Carminha, Iván Ferreiro, Virginia Maestro, Pardo ou M Ward, entre outros artistas.
