Viños galegos, pero tamén do Bierzo e mesmo de fóra do territorio español. Serán algúns dos que poderán degustarse na maridaxe entre viños e tapas dirixida polo enólogo Nacho Álvarez que está prevista a partir das 21h. do vindeiro martes 17 de decembro no Restaurante Piquiño do Barco, situado no Paseo do Malecón.
O aforo será limitado e a entrada terá un custe de 30 euros. As persoas interesadas poden realizar as súas reservas chamando ao 988 68 23 49.
